Depoja, arka dhe librat — në një sistem të vetëm
Pranimi i mallit, transferi mes njësive, fatura, pagesa dhe raporti janë e njëjta punë e parë nga kënde të ndryshme. StokiT i mban në një bazë, që gjendja të mos varet nga fleta e fundit e Excel-it.
Punon në shfletues — në zyrë, në banak dhe në tablet në depo.
Një dokument i konfirmuar lëviz stokun, koston dhe paranë në të njëjtin çast.
Çfarë mbulon
Modulet nuk janë programe të veçanta që flasin me njëri-tjetrin një herë në natë. Janë e njëjta bazë: një pranim i konfirmuar e ndryshon stokun, koston mesatare dhe borxhin ndaj furnitorit menjëherë.
Depo dhe stok
Pranime, dalje të brendshme, transfer mes njësive dhe numërim me fletë të printueshme. Kostoja mbahet mesatare e peshuar dhe rillogaritet në çdo hyrje.
Blerjet
Furnitorët, çmimet e fundit, pranimi i mallit dhe faturat me vërejtje. Importi vjen nga DUD-i me koston e zbarkimit të shpërndarë mbi rreshtat.
Shitjet
Ofertë → porosi → faturë, me fletërezervim të stokut dhe kredit nota. Çmimi vjen nga çmimorja e blerësit, jo nga kujtesa e shitësit.
Arka (POS)
Shitje me barkod në banak, me çmimin e llogaritur në server, ndërrimet e arkës dhe çiftëzimin e çdo terminali me çelësin e vet.
Skaneri (PDA)
Pranimi dhe transferi bëhen aty ku është malli, me pajisje dore që lidhet me çelësin e vet dhe lejet e veta.
Financat
Arka dhe banka, pagesat, borxhet e klientëve dhe furnitorëve, plani kontabël dhe periudhat — një dokument nuk postohet në periudhë të mbyllur.
Prodhimi
Normativat, prodhimi dhe shpërbërja: përbërësit dalin nga stoku dhe produkti hyn me koston e tyre, jo me një çmim të shkruar me dorë.
Raportet
Kartela e artikullit dhe e subjektit, gjendja për njësi, aktiviteti i shitjes dhe gjurma e çdo lëvizjeje deri te dokumenti që e shkaktoi.
Pamje nga sistemi
Ekrane të vërteta, jo maketa — nga një instalim shembull me të dhëna demo.
Si punon
Tri hapa, dhe i pari bëhet një herë.
- 01
Ngre regjistrat
Njësitë, artikujt, subjektet, çmimoret dhe rolet e përdoruesve. Kush çfarë sheh dhe çfarë mund të ndryshojë vendoset këtu, jo më vonë.
- 02
Punon dokumentet e ditës
Çdo dokument nis si draft dhe lëviz stokun ose paranë vetëm kur konfirmohet. Deri atëherë mund të ndryshohet pa lënë gjurmë të gabuar.
- 03
Lexon gjendjen
Paneli, kartelat dhe raportet lexohen nga të njëjtat lëvizje që shkruan puna e ditës — pa mbledhje të dytë, pa rakordim në fund të muajit.
Si është ndërtuar
Detajet që nuk duken në demo, por vendosin nëse sistemi mbahet pas dy vjetësh.
- Shumë njësi, një bazë
- Çdo rresht i përket organizatës dhe degës së vet; përdoruesi sheh vetëm degët që i janë dhënë.
- Leje sipas rolit
- Shikimi, krijimi, konfirmimi dhe aprovimi janë leje të ndara — arkatari nuk mbyll dot periudhën.
- Gjurmë auditimi
- Kush e ndryshoi, kur dhe çfarë kishte para — ruhet para dhe pas, jo vetëm data e fundit.
- Periudhat kontabël
- Muaji i mbyllur nuk pranon dokument me datë brenda tij, sado i vogël qoftë korrigjimi.
- Numërator dokumentesh
- Numrat jepen brenda transaksionit të dokumentit, për degë dhe vit — pa dy fatura me të njëjtin numër.
- Shqip dhe anglisht
- I gjithë sistemi flet të dyja gjuhët, me një klikim, pa e ndryshuar asnjë rrugë.
Gati për ta parë nga brenda?
Hyni me llogarinë tuaj, ose kërkoni një qasje nëse ende s'e keni.